Category: Keleier

Sifroù an distro-skol 2025 evit ar c’helenn divyezhek : ar re fallañ abaoe 1977 ! Perak?

Emañ Ofis Publik Ar Brezhoneg o paouez embann sifroù ar c’helenn divyezhek ha… n’int ket mat tamm ebet. Evit ar wech kentañ abaoe 1977 ha krouidigezh ar skol DIWAN gentañ, ez a war zigresk ar c’helenn divyezhek brezhoneg-galleg. Dre ar munud ez eus un digresk hollek a 302 skoliad (- 1.5%) en holl rouedadoù hag en holl liveoù kemmesket. 182 skoliad a goll an deskadurezh katolik er bloaz-mañ, 215 skoliad nebeutoc’h e rouedad skolioù Diwan, war gresk e chom an deskadurezh publik met gant ur c’hresk izel-tre, ouzhpenn 95 skoliad. Distroet omp er bloaz-mañ dindan an niver arouezel eus 20…

Featured Keleier

Adreizh an tuta kelennerien e 2026 : aotreegezhioù LPE (kelennerien ar skolioù)

D’an 28 a viz Meurzh e oa bet embannet gant ar C’hentañ ministr François Bayrou, asambles gant Elisabeth Borne, ministr an Deskadurezh, e vefe adlañset adreizh an tuta kelennerien.  Hogen en destenn bet embannet gant ministrerezh an Deskadurezh-Stad d’an 19 a viz Ebrel, ne oa meneg ebet eus plas ar yezhoù rannvro en hentadoù stummañ nevez adalek 2026  Kaset ez eus bet ul lizher d’an 2 a viz Mae e anv “Pour Que Vivent Nos Langues” d’ar c’hentañ Ministr, da vinistrerez an Deskadurezh-Stad ha d’an holl gannaded ha senedourien eus an tiriadoù ma vez komzet ur yezh “rannvro”.  Kensinet e…

Keleier

CEBEP 44 : Emgav e Ministrezh an Deskadurezh-Stad evit ar c’helenn brezhoneg publik el Liger-Atlantel (5/05/2025) 

D’ar 5 a viz Mae 2025 e oa bet dalc’het un emgav e ministrerezh an Deskadurezh-Stad e Pariz gant ar CEBEP 44 (Collectif pour l’Enseignement du Breton à Ecole Publique) diwar stad an traoù hag an diaesterioù evit ar c’helenn brezhoneg publik el Liger-Atlantel. Bodañ a ra ar strollad sindikadoù (SNUP FSU 44, SGEN CFDT), Div Yezh, an FCPE  ha Kelennomp!. Kavout a reoc’h war lec’hienn Kelennomp  ar gemennadenn  bet savet goude an emvod. Ar gemennadenn da heul an emvod :  Degemeret e oa bet ar strollad evit ar c’helenn brezhoneg er skolioù publik e Liger-Atlantel (CEBEP 44) , o vodañ…

Featured Keleier

Levr : Ar brezhoneg dre gomz er c’hlasoù skol-vamm

Kavout a reoc’h stag raktres al levr  “AR BREZHONEG DRE GOMZ ER C’HLASOÙ SKOL-VAMM” (levr peuzechuet) a vo embannet e dibenn miz Gwengolo / penn kentañ miz Here goude un adlenn diwezhañ gant Ofis Publik ar Brezhoneg (Chom a ra traoù da vezañ peurlipet, fazigoù yezh hag all..). Empentet eo bet al levr-mañ evit un embannadur e stumm PDF gant liammoù hag a gas da zanvezioù all (TES da skouer). Ganet eo bet al levrig-mañ diwar meur a levezon disheñvel : da gentañ ur skiant-prenet ur skolaer Renan Kerbiquet er skol-vamm er skolioù publik e-pad un nebeut bloavezhioù, ha da…

Featured Keleier

Lezenn an 21 a viz Mae 2021 diwar-benn gwarez glad ar yezhoù rannvroel ha brudañ anezho (« Lezenn Molac ») ha kelenn ar brezhoneg : ur reked barnerezhel kaset d’al lez-varn velestradurel a-enep ar Stad

  Kemennadenn d’ar mediaoù  Lezenn an 21 a viz Mae 2021 diwar-benn gwarez glad ar yezhoù rannvroel ha brudañ anezho (« Lezenn Molac ») ha kelenn ar brezhoneg : ur reked barnerezhel kaset d’al lez-varn velestradurel a-enep ar Stad  Hon div gevredigezh Div Yezh Breizh, kevread kevredigezhioù tud ar vugale evit ar c’helenn brezhoneg hag e brezhoneg er skol bublik, ha Kelennomp!, kevredigezh ar gelennerien war ar brezhoneg hag e brezhoneg, hag  o deus divizet tagañ ar STAD diral al lez-varn velestradurel e-keñver ar mankoù bras lakast war wel evit lakaat da dalvezout ar c’hendivizad Stad-Rannvro sinet e miz Meurzh…

Featured Keleier

Nac’hañ lakaat e pleustr al lezenn Molac hag an emglev Stad-Rannvro war ar c’helenn brezhoneg : ur goulenn digoll en a-raok kaset d’ar Stad (rektordi Roazhon).

Kemennadenn d’ar Mediaoù Kaset e oa bet  ur goulenn digoll en a-raok da Rektor akademiezh Roazhon d’an 10 a viz Here 2024 gant ar c’habined breutaerion Coudray, o kuzuliañ DIV YEZH BREIZH (kevread kevredigezhioù ar gerent evit ar c’helenn divyezhek brezhoneg-galleg hag ar c’helenn brezhoneg er skolioù publik) ha KELENNOMP ! (kevread kelennerien ar brezhoneg hag e brezhoneg). E keñver  ar mankoù kablus a-berzh ar Stad evit lakaat e pleustr da  ar c’henemglev Stad-Rannvro bet sinet d’ar 15 a viz Meurzh 2022 a zo noazus evit an deskiñ brezhoneg ha diorrren ar yezh en Deskadurezh Broadel, e c’houlenn hor c’hevredigezhioù…

Featured Keleier

Ministrez nevez an Deskadurezh-Stad a-enep d’ar brezhoneg ?

23 a viz Gwengolo 2024 Kemennadenn d’ar Mediaoù Ministrerez nevez an Deskadurezh-Stad a-enep d’ar brezhoneg ? Ar re o deus sinet ar gemennadenn-mañ o deus kemeret kont eus anv an itron Anne GENETET evel  ministrez an Deskadurez-Stad. Ar pempvet ministrer.ez e karg  eo  e-korf nebeutoc’h eget daou vloaz goude Pap NDIAYE, Gabriel ATTAL, Amélie OUDEA-CASTERA ha Nicole BELLOUBET.  Ne c’hellomp nemet stadañ n’eo ket anat e c’hallfe ur seurt vals a vinistred reiñ an tu da labourat don ha da lakaat an adreizhoù ret war dachenn an deskadurezh da vont en-dro.  Mard eo bet lakaet war wel buan gant meur…

Featured Keleier

Kemennadenn : Gweladenn Prezidant ar Republik war ar Jentilez (22) e Breizh

Notenn : Nullet eo bet gweladenn ar prezidant Emmanuel Macron e e #Breizh abalamour d’ar “REDIOÙ AMZER” … Setu amañ an amzer gortozet e Perroz-Gireg (22) d’ar 20/09/24 : 21°C 💨 20 – 40 km/e Ar brezhoneg : un teñzor denel bev da wareziñ IVEZ ! Da-geñver gweladenn Prezidant ar Republik e mirva natur ar Jentilez e fell d’ar rouedadoù Div Yezh, Diwan, Divaskell (Kevread kevredigezhioù kerent an hentadoù divyezhek katolik)Kelennomp ! (kevredigezh ar gelennerien vrezhoneg), Kevre Breizh (kenurzhiadur sevenadurel Breizh)lakaat ac’hanoc’h da soñjal ez eo ivez ar brezhoneg ul lodenn eus ar glad da vezañ gwarezet ha priziet ! …

Featured Keleier

Eil tro dilennadegoù kannaded e Breizh : Galv Diwan – Div Yezh Breizh – Kelennomp! – Kevre Breizh d’an dud war ar renk gant talvoudoù republikan

Kemennadenn d’ar Mediaoù  Eil tro dilennadegoù kannaded e Breizh  : Galv Diwan – Div Yezh Breizh – Kelennomp! – Kevre Breizh  d’an dud war ar renk gant talvoudoù republikan Fellout a ra d’ar rouedadoù Diwan, Div Yezh Breizh, Kelennomp !, Kevre Breizh degas da soñj emaomp o enebiñ o ouzh unvanadur ar yezhoù, ha stag omp ouzh an doareoù sevenadurel liesseurt.  N’eus nemet ar glokaat-se a zegas unvaniezh, pinvidigezhioù kenetrezo ha kenstroll.   Laouen eo hor rouedadoù gwelet tud war ar renk o deus asantet dilezel o flas en abeg d’o zalvoudoù republikan evit eil tro an dilennadegoù kannaded e Breizh. …

Featured Keleier

Dilennadegoù kannaded 2024 : ur goulenn hepken d’an dud war ar renk

Kemennadenn d’ar Mediaoù  Ar strollad  “Evit Ma Vevomp Hor Yezhoù” en deus kaset d’an holl gannaded ha d’an dud war ar renk er strolladoù pennañ pe ar c’henemglevioù (Talbenn ar pobl nevez, Asambles, Ar Republikaned) e Breizh, e Korsika, Bro Euskadi, Okitania, Elzas, Katalonia un teul da c’hervel anezho diwar-benn stad ar yezhoù rannvro e Frañs (s.o. an teul staget).  Divizet en deus ar strollad, a-hend-all, chom hep kas an teul-se d’an dud war ar renk ha d’ar gannaded a zeu eus an tu-dehoù pellañ.  Ennañ ez eus frammoù kevredigezhel hag a ziskouez liesseurted obererien ar yezhoù rannvroel en tiriadoù…

Featured Keleier